skip to content

Read about our recent product expansion here.

Awtorisasyon para Maghayag ng Impormasyong Pangkalusugan

This content is also available in: العربية 繁體中文 English 한국어 Русский Español Tiếng Việt

Background

Ang Color Genomics, Inc. (“Color”) ay nagbibigay ng pagsusuri para sa Covid-19 at mga may kaugnayang serbisyo (ang “Mga Serbisyong Nauugnay sa Covid-19”) kapag hiniling ng institusyong nagbayad o nagbigay sa iyo ng Mga Serbisyong Nauugnay sa Covid-19 (halimbawa: ang employer, paaralan, o entity kung saan ka gumagawa o gagawa ng mga serbisyo, o na papasukan mo ang mga pasilidad) (ang “C19 Program Sponsor”) para tumulong sa paggabay sa pagtukoy ng C19 Program Sponsor sa kaligtasan ng pagtanggap ng mga tao sa kanilang pasilidad/mga pasilidad sa panahon ng pandemyang Covid-19 (ang “Awtorisadong Paggamit”). Kaugnay ng Mga Serbisyong Nauugnay sa COVID-19, magbabahagi ka sa Color ng ilang personal at pangkalusugang impormasyon (“Protected Health Information” o “PHI”). Para sa mga layunin ng pagbibigay ng awtorisasyong ito, kasama sa iyong PHI ang impormasyong mabubuo ng Color tungkol sa iyo mula sa pagsasagawa ng mga Serbisyong Nauugnay sa Covid-19, kasama ang iyong mga resulta mula sa pagpapasuri para sa Covid-19.

Layunin ng Awtorisasyong ito

Para magbigay-daan at isagawa ang Mga Serbisyong Nauugnay sa Covid-19, at gaya ng kinakailangan o pinahihintulutan ng naaangkop na batas, panuntunan, o utos, sa pamamagitan ng pagpirma sa authorization form na ito, binibigyan mo ng awtorisasyon ang Color na ibahagi ang iyong PHI sa C19 Program Sponsor kaugnay ng Awtorisadong Paggamit, sa tuwing isasagawa ang Mga Serbisyong Nauugnay sa Covid-19.

Pag-expire ng Awtorisasyon

Mag-e-expire ang awtorisasyong ito pagkatapos ng limang (5) taon mula sa petsa ng iyong awtorisasyon.

Ang Iyong mga Karapatan:

Sa pagpirma ng authorization form na ito, nauunawaan mo at tinatanggap mo ang mga sumusunod:

  • Nauunawaan kong hindi ko kailangang pirmahan ang authorization form na ito, pero sa pagtangging pumirma, hindi ako magiging kwalipikadong makatanggap ng Mga Serbisyong Nauugnay sa Covid-19 sa pamamagitan ng programa ng C19 Program Sponsor.
  • Puwede kong bawiin ang aking awtorisasyon anumang oras, pero para magawa ito, kailangan kong hilingin ang aking pagbawi sa pamamagitan ng pagpapadala ng electronic mail sa support@color.com. Magkakabisa ang aking pagbawi kapag natanggap na ito ng Color, maliban sa naisagawa na ng Color gamit ang awtorisasyong ito bago ang aking pagbawi.
  • Nakatanggap ako ng kopya, o may karapatan akong makatanggap ng kopya, ng awtorisasyong ito o siyasatin ang impormasyong laman nito sa pamamagitan ng pakikipag-ugnayan sa support@color.com.
  • Nauunawaan kong tumatanggap ng bayad ang Color mula sa C19 Program Sponsor o sa affiliate kaugnay sa Mga Serbisyong Nauugnay sa Covid-19.
  • Nauunawaan kong malalapat ang awtorisasyong ito sa tuwing magsasagawa sa akin ang Color ng Mga Serbisyo Nauugnay sa Covid-19, kasama ang, pero hindi limitado sa, pagbabahagi ng aking PHI sa C19 Program Sponsor sa tuwing sasailalim ako sa pagsusuri para sa Covid-19 kung uulit ako ng pagpapasuri sa pamamagitan ng programa ng C19 Program Sponsor.
  • Nauunawaan kong ang impormasyong ihahayag alinsunod sa awtorisasyong ito ay posibleng hindi na maprotektahan ng mga batas ng pederal o estado tungkol sa pagiging kumpidensyal ng paggagamot kung hindi napapailalim ang tatanggap ng aking PHI sa mga nasabing batas at posible itong ihayag muli ng tatanggap.

Last updated: August 20, 202